自責追夢係不孝女!林二汶紅館開騷「預埋」盧凱彤

2021年03月07日 22:13
東網電視
更多新聞短片
回復自由身獨立發展的歌手林二汶,為了追逐音樂夢,曾經覺得自己是「不孝女」。她憶述自資做第2張個人專輯時,儲蓄所剩無幾,有次父母坐車時閒話家常,爸爸表示想打邊爐,媽媽即時說:「唔好啦!咁貴!」她坦言當時心情跌落谷底:「打邊爐係幾咁普通嘅事,佢竟然話貴?我做仔女聽到,真係覺得自己好不孝!」續指當時付清最後一筆數後真的分文不剩:「嗰時唔係冇錢令我辛苦,係覺得我追尋理想呢件事好不孝。」
發掘生意頭腦搞音樂
樂觀的她謹記老師教導「天不從人願」,學會自我安慰:「有乜可能你要嘅全部都有,人生有幾何呢?有資源當然好,但天時、地利、人和先最重要,好多嘢要等個天安排,盡人事應天命。如果唔畀你住,即係未係時候,畀心機做準備,因為機會係留畀準備好嘅人,就當辛苦嘅路係磨練。」她坦言心裏曾有掙扎,對做音樂抱有懷疑,最終明白關乎做生意的手法,笑言要向哥哥林一峰學習理財之道:「我哋係潮州人,阿哥好叻管數,我要發掘番自己潮州妹嘅生意頭腦先得!」
舞台呈現悼摯友
二汶月底將首次踏足紅館舉辦演唱會,她直指紅館對歌手而言很具代表性:「紅館歷史裏面有小鳳姐(徐小鳳)喎,有過四大天王,上到去就好似大家一齊去過呢度咁!」她與盧凱彤(阿妹)以組合at17身份先後在亞博及伊館開騷,獨欠最具標誌性的紅館,但她不覺遺憾:「失去就係失去,好在我哋有一齊闖過嘅路,喺我哋段友誼裏面好真心。我好珍惜可以同佢一齊唱歌,呢樣係唔關場地事。」問到今次開騷會否預留位置給「阿妹」?她說:「依家諗緊有冇一個最好嘅方法喺舞台上呈現,一齊懷念佢。」
場地:Marriott Hong Kong Ocean Park