組合B.Gs成員唐菲經常網晒靚相分享近況，早前她上載於遊艇的照片，抱着愛犬「叉燒」一同出海，她將愛犬套入她毛內衣取暖，畫面十分有愛。當日唐菲其實是出海拍廣告，天氣原本不錯，卻途中突然橫風橫雨，她說：「小朋友要受到保護㗎！叉燒，等姐姐保護你。」最搞笑是「叉燒」一面冧樣，十分可愛。

唐菲說「叉燒」身體較嬌小，不太健康，故每年都會帶愛犬往身體檢查：「佢係一次機緣巧合下領養返嚟，我本身好支持領養，幫助被遺棄嘅動物，覺得好有意義。如果做嘢可以嘅話，我都會盡量帶埋佢出嚟，今次都問准公司可以帶住佢做嘢，同埋佢好乖，唔會亂吠，我覺得陪伴對動物好重要，畀多啲愛心佢，佢係感受到嘅。」