疑與華晨宇復合　張碧晨後援會會長突然辭任

內地歌手張碧晨年初自爆與「流量歌手」華晨宇未婚產女，之後有傳男方豪擲2億人民幣（約2.4億港元）作「安家費」，拒絕畀張碧晨「入宮」，不過似乎依家情況有變！

雖然華晨宇多次聲明中都撇清自己同張碧晨嘅關係，但有眼利網友發現兩人動態洩密，原來張碧晨去年2月分享嘅照片同華晨宇去年5月分享嘅視頻背景、窗簾一模一樣，因此猜測佢哋可能已經同居。

另外，有網友更發現華晨宇錄製視頻嘅時間，竟然同佢為女兒上戶口係同一日，因此猜測兩人為女兒上完戶口後，華晨宇去咗張碧晨屋企陪囡囡，證實兩人一直有密切來往，即惹嚟復合傳言。

點知「復合」消息傳出翌日，張碧晨後援會會長宣布辭職，並且連同自己嘅社交帳號一併送人。而其會長早於農曆新年期間，意外自爆張碧晨同愛女放煙花，並與其他粉絲發生內訌。