大仔唔係入行？林曉峰唔批准：有得讀書點解唔讀書先

藝人譚耀文、林曉峰及吳卓羲今日現身電影開鏡儀式，講到UA院線全線結業，三人大感可惜，吳卓羲自言：「我細細個就喺沙田UA戲院睇戲，算係陪住我大。都覺得可惜，但冇辦法，因為疫情，希望疫情快啲過，之後開番多啲戲院。」林曉峰認為時代轉變，戲院都需要轉型：「歌手開演唱會，戲院可以同步直播，戲院可以有多個方法去生存。」而譚耀文表示以前也有跟女友到UA戲院睇戲，印象深刻，希望有新投資者或其他院線接手。

他們都覺得新年後香港電影業慢慢復甦，吳卓羲稱今年會留港工作，問到是否回無綫拍劇？他說：「今年未住。（拍ViuTV定ATV？）有好劇本就會拍。」

另外，有傳林曉峰的大仔有意入行，他解釋：「其實個仔只係幫朋友設計嘅衫客串做模特兒，佢依家17歲。唔好講入唔入行、想唔想入行，你入咗行係咪有工作先最緊要，佢對呢樣嘢都好清楚，有得讀書點解唔讀書先。」