好多激情戲　阮頌揚床戰馮凱淇相逢恨晚

藝人阮頌揚（Brian）早前首次與歌手馮凱淇（Cherry）合作拍攝微電影，二人更有不少激情和床上戲：「初頭都有啲尷尬，因為大家始終唔熟，不過好快呢種尷尬感就冇咗，仲變得好啱傾，有種相逢恨晚嘅感覺。雖然戲中我哋有好多激情戲，但我哋都好信任對方，希望出嚟個感覺，唔會畀觀眾有種隔膜感。」Brian又指今次首嘗飾演有暴力傾向的角色，內心戲甚重：「戲中我好神經質，加上講我童年時被爸爸虐打，令我長大後有好大嘅陰影，所以拍攝時個情緒起伏好大，嗰段時期自己心情都好低落。」