張秀文唔急拍拖　默默耕耘等下半年爆發

藝人張秀文為無綫新春節目《天天開運王》擔任主持，當然乘機詢問眾師傅牛年運程，她說：「有問吓師傅事業，話我嚟緊有個轉變，但係上半年要沉靜一段時間，醞釀到下半年先有突破，收穫期要下半年。上半年就好好計劃、籌備吓，等待下半年爆發。」

生肖屬兔的她自言在牛年運程普通，據師傅說要到2022年才漸入佳境，問到可有問姻緣？她說：「有問呀，但冇人話我會嫁，全部都話要到明年。唔會唔開心，亦唔心急，如果今年有姻緣但唔好嘅都冇用，依家有一定年紀，情願一嚟就嚟個好嘅，好過轉嚟轉去。」