湯沛宜火辣比堅尼晒身材　愛犬帶挈有工開

「E cup乳神」湯沛宜（Toto）早前才呻演藝生涯今年難有起色，但天無絕人之路，早前其愛犬「湯圓圓」竟被睇中，獲攝影學會邀請她與愛犬一同出鏡，帶挈她有工開。當日Toto穿起火辣辣獸紋比堅尼和假皮草，抱着愛犬在胸前，睇相已覺得好Hot，湯圓圓亦十分合作，淡定不怕陌生，認真是稱職寵物模特兒，Toto說：「依家好多主人會同狗狗影靚相，於是就衍生咗好多寵物攝影，我同湯圓圓做模特兒，有酬勞又影到靚相，好開心，後尾先知，原來依家寵物攝影仲貴過影人。」