AGA望唱古裝劇歌曲　Gin Lee最想拍劇

環球歌手AGA（江海迦）及Gin Lee（李幸倪）將於本周六參與《博愛歡樂傳萬家》直播騷，2人今日到將軍澳電視城出席記者會。講到慈善騷是繼破冰後的首個演出，她們均大感期待，表示好耐冇參與大型慈善騷，屆時可以齊齊唱新歌，又會同其他歌手合唱。

其中AGA笑謂最懷念於台上講捐款電話熱線：「對上一次講已經係新人，好驚記錯啲數字，記得臨上台前係咁背。」Gin Lee接說幸好現時台下會有「貓紙」，就一定不會出錯。

她們亦透露之後會跟無綫有不同合作機會，當中特別想唱「劇歌」，AGA話：「想唱古裝劇劇歌，因為平時創作好難幻想古裝，所以應該幾得意，自己好有興趣！」至於問到會否想參與戲劇？Gin Lee指公司暫時未有相關安排，但都想一試，因為好鍾意演戲。