【P圖風波後續】馮盈盈自揭執相技巧　絕地反擊：Shut Up

藝人馮盈盈與江嘉敏因「破冰」合照版本各有不同，引嚟網友柯南上身研究邊張先係「真．原圖」，唔知係咪大家討論得太激烈，搞到馮盈盈都引唔住要絕地反擊，晒出多張破格新相，大騷3吋事業線，更揚言要自揭執相技巧！

見佢晒出一系列型格新相，當中又晒事業線又露背，非常養眼，轉新Look嘅佢更挑戰黑唇妝容，襯埋西裝褸及透視誘惑，效果令人眼前一亮，同平時行甜美風嘅佢有好大出入，更有網友留言指誤以為相中人係胡定欣。

未知係咪P圖風波持續，馮盈盈留言大嗌「Shut Up」之餘，又自嘲最強filter其實係高超嘅妝髮加攝影同造型，仲拍片自揭執相技巧，唔同甫士都有唔同效果，直頭連樣都唔同埋，實行滿足一班網友嘅「花生欲」。