佘詩曼御用TVB普通話配音員　激似劉佩玥陳瀅混合體

TVB劇集喺華人區好受歡迎，為咗迎合當地嘅市場，都會為劇集重新配音普通話。就咁聽聲就已經覺得好好聽，而大家又有冇諗過配音員究竟係咩樣呢？

為佘詩曼嘅《公主嫁到》昭陽同《使徒行者》丁小嘉配音嘅趙冰冰，原來係大美女！冰冰喺哈爾濱出生，2009年入行做配音，佢亦都為咗唔少電影配音，好似《戀上你的床》嘅蔡卓妍同埋《志明與春嬌》嘅楊千嬅等等。

趙冰冰絕對一個氣質美女，驟眼睇有啲似劉佩玥同埋陳瀅嘅混合體！平時會着露背裙返工，拎住個名牌手袋，而佢錄音會非常投入工作，雖然佢人靚聲甜，但佢就話自己唔識唱歌！