湯怡佗B日日喪食　同霍汶希撞樣！？

藝人湯怡上月同麥秋成奉子成婚，佢依家佗B 4個半月，身為大肚婆果然好好胃口，見佢喺社交平台不停分享食嘢相，繼日前share咗個自家製burger之後，呢日佢就一餐狂擦天婦羅飯同烏冬，仲露出得戚樣謂：「唔好意思，又飯又烏冬添，最後我！食！晒！」有網友都叫佢食多啲：「食多啲嘢好呀，之前你太瘦」、「2個食，唔算大食」但亦有網友提佢唔好食太飽，費事頂住唔舒服，仲有搞笑網友指湯怡呢張相同霍汶希（Mani）撞樣！

而湯怡亦發文謂近排起身坐低都feel多咗肉：「好過癮啊！望住前幾個月嘅相，同今日嘅自己好大分別，我要好好享受有咁多肉嘅日子！」