撞樣兩大女神！佘詩曼御用TVB普通話配音員曝光

無綫劇集喺華人地區好受歡迎，為咗迎合當地市場，都會為劇集重新配番普通話。而藝人佘詩曼原來有個御用TVB普通話配音員，曾經為佢喺劇集《公主嫁到》同《使徒行者》入面嘅角色配音，呢位配音員除咗把聲好聽之外，原來仲勁靚女，驟眼睇仲有啲似女神劉佩玥同陳瀅嘅混合體！想望吓佢真身就要去片喇！

藝人湯洛雯（靚湯）從演9年以嚟最激嘅咀戲尋晚出咗街，就係佢同譚俊彥喺無綫劇集《失憶24小時》嘅演出，靚湯之前話拍呢場戲嗰陣，會先知會男友馬國明，更講笑話唔係備案，而係畀心理準備佢。不過可能大家睇嗰陣都覺得唔係好激啫，但其實電視播嘅係刪減版，足本版真係咀得好肉緊，連靚湯都話有啲怕醜，拍完連Playback都唔敢睇！即刻去片睇吓有幾激啦！

歌手許志安（安仔）2年前驚爆背妻偷食藝人黃心穎，形象事業毀於一旦，兜踎咗2年，誓言會洗心革面嘅佢成功「復出」，4月將會飛到台灣拍劇兼唱主題曲，期待可以為佢低沉嘅事業帶嚟翻身嘅曙光。想知更多詳情就要睇今集《繽FUN主播室》喇！