胡鴻鈞望都唔望離遠扔樽入垃圾桶 網民質疑造假

20210312
東網電視
更多新聞短片
歌手胡鴻鈞近日同羅天宇等人趕拍無綫劇集《十月初五的月光》,喺劇集飾演「初哥哥」嘅胡鴻鈞同演「司徒禮信」嘅羅天宇老友鬼鬼,等埋位嗰陣一同合拍短片,震驚網友眼球!事緣羅天宇想扔垃圾,將個唔要嘅水樽扔畀胡鴻鈞,隨即胡鴻鈞執起水樽,望都冇望個垃圾桶喺邊,一下就成功離遠將個水樽扔落垃圾桶,令羅天宇覺得好驚訝!
係咪造假?
胡鴻鈞忍唔住讚自己:「最近我是垃圾專員,要執垃圾可以找我!」雖然厲害,但唔少網友質疑佢係咪造假,紛紛留言:「係咪有人喺另外一面扔個樽?」歌手連詩雅睇到都忍唔住加入戰團話:「剪接技術咁勁嘅?」但亦有網友留言讚佢,指佢打開籃球,果然技術強勁:「打咁多年籃球果然冇白費!」