黃庭鋒獻螢幕初吻畀劉佩玥：有啲緊張！

藝人黃庭鋒早前拍攝無綫劇集《把關者們》，今次係佢第1次拍劇有感情線，更要獻出螢幕初吻，令佢事前大為緊張，幸好今次對手係曾合作過嘅劉佩玥，佢表示：「其實同劉佩玥已經好熟，因為之前喺劇集《救妻同學會》同埋《超能使者》合作過，但嗰兩次佢都係做我阿嫂，所以今次感覺幾唔同，再加上今次係我第1次螢幕上要錫，所以事前都同佢傾咗好多，因為我都有啲緊張，拍前都有問佢個步驟係點，要點樣表達咁，之後大家有晒默契，到拍嗰一刻都嚟得幾自然，本身同佢係好朋友，好多謝佢lead得我好好。」