【奀星大戰】陳芳語新歌寸爆舊室友「返屋企」

台灣發展的歌手陳芳語（Kimberley）3年前因參加內地選秀節目《創造101》而人氣急升，直到上月佢都依然於直播中大爆節目組黑幕，力數5宗罪！佢嘅火辣言論更同時爆出當時嘅室友佔廁所抽煙等行徑，室友身份即被猜測係新疆選手熱依娜。

未知陳芳語係咪見上次爆料有睇頭，近日佢推出新歌《Kow Tow》，其中1句歌詞提到「快打包，買車票，回去Xinjiang」，因為音同「新疆」，因此讓外界聯想佢再次嘲諷熱依娜，而熱依娜亦立刻反擊，轉發陳芳語舊博文指：「diss back on da way bixxx（準備反擊，X子）」。

其餘熱依娜早於上月被爆料後，已強調雖然當時雙方有發生衝突，但未去到鬧大交嘅程度，仲話唔明為何陳芳語過咗幾年先提起此事，暗示對方博見報。