曾昭怡細女生日　前港姐李美慧孖曾文豪煙韌現身同賀

商人曾文豪大女曾昭怡與老公育有兩女，日前其細女Maia 2歲生日，一家人齊集為佢大搞派對慶祝，當中曾文豪與太太李美慧都有現身，場面熱鬧，身為前港姐嘅李美慧更成為婆婆呢！

見佢哋於露台整Pizza，又預備咗氣球裝飾，並有2個生日卡通公仔造型生日蛋糕，包括每晚攬住瞓覺嘅熊仔公仔及玩具泥頭車公仔，相當有心思。曾昭怡於社交網大晒慶生靚相，又憶述當年生囡囡時嘅難忘事。