張兆輝晒老婆靚相　「冧妻範文」獲網友激讚

影星張兆輝係出名嘅愛妻號，對太太郭碧妍照顧得無微不至，尋日（12日）係佢哋結婚24周年紀念，雖然張兆輝要為新戲開工，但都準備咗玫瑰花同1段短片畀太太，佢嘅深情留言，仲令大批網民大讚係「冧妻範文」。而片入面仲有張太早年嘅靚相，網民大讚佢當年已經散發女神魅力同埋有「電眼」，想睇相同埋跟張兆輝學冧妻就要睇片喇！

家底豐厚嘅港姐亞軍陳楨怡，雖然屋企住半億豪宅，但原來日常生活好「貼地」，近日就被影到漫遊銅鑼灣，行平價傢俬店，晚餐食魚蛋粉「醫肚」。而佢返屋企亦唔係Call車接送，而係搭小巴，認真慳家！即刻去片睇吓陳楨怡「平民」的1天啦！

內地有位叫「哈哈少女Chic」嘅網紅，靠模仿韓國性感女神泫雅妝容成名，多次拍片教化妝，成功吸100萬粉絲，人氣高企。其實佢已多次模仿泫雅妝容，早前挑戰對方新歌《I'm Not Cool》造型，相似程度高達5粒星，就連泫雅本尊都覺得似，更畀Like認證！想知佢哋似成點，就要睇今集《繽FUN主播室》喇！