劉小慧晒「一家三口」合照　宣布屋企添新成員

藝人劉小慧與老公蘇志威愛心爆棚，養育不少小動物，不過今年年初11歲的愛犬Bear Bear不幸患上肺炎離世。事隔2個月，劉小慧今日在社交網宣布有新成員加入，新養了黑白色貴婦犬「蘇富比」，「一家三口」影家庭照晒溫馨，劉小慧代愛犬留言：「哈囉大家好，我係蘇家新成員，爸爸媽媽叫我做Scooby。我係貴婦嚟㗎，本身我冇中文名，有個Auntie幫我諗到個好好聽嘅中文名，就係『蘇富比』，因為代表我喺爸媽心目中好矜貴好值錢，我鍾意啊！」