Gin Lee AGA殺入電視城　環球同無綫仲會有合作

歌手李幸倪（Gin Lee）與江海迦（AGA）同屬環球唱片旗下。2人晚上齊齊為無綫製作的慈善節目《博愛歡樂傳萬家》演出，前者更被安排壓軸登場。今次是環球與無綫破冰後「第一擊」，而環球董事總經理黃劍濤（Duncan）更親自到場領軍，相當畀面。

AGA表示最初也不知道Duncan會出現：「後嚟知道佢一早到場，加上係籌款活動，又好耐冇試過同咁多歌手同場演出，覺得好有意義同開心。」

Gin Lee指破冰後首次涉足將軍澳電視城，感覺既熟悉又陌生：「綵排時都同AGA講真係好多年冇嚟過。」談到唱片公司與無綫進一步合作的細節，二人表示知道一定會繼續：「聽同事講將有機會參與同音樂有關嘅綜藝節目演出。」

Gin Lee還直言希望拍劇，能夠作出不同的嘗試，而AGA則希望為古裝劇作主題曲及獻唱：「話晒以前都係睇古裝劇送飯，陪住我哋成長。」

另外，因為今次是破冰後的首個合作，無綫亦故意安排Gin Lee作壓軸演出，相當畀面。