結婚10周年　寶珮如感激老公無限量支付醫藥費

藝人寶珮如人生經歷不少風浪，早年車禍後幸好遇上鄧姓丈夫，二人一拍即合，拍拖2個月即閃婚，結婚多年至今恩愛如昔。近日二人踏入結婚10周年，老公悉心為寶珮如安排驚喜派對，於酒店內宴請親朋，她表示：「決定搞派對，疫情突然又爆，我哋上限不過20人，都係請咗啲閨蜜同好Close嘅貴賓出席。事前我都有同佢哋講如果唔嚟都明白嘅，點知冇人缺席。我哋分開咗好多張枱坐，身體疏離，但心連心，感覺相當溫馨。」

她透露很多賓客都「折現」到賀，而閨蜜唐麗球等則夾份送上大蛋榚，令她大感窩心。問到老公有甚麼「實際驚喜」？她說：「佢送咗個手袋畀我之餘，近日我患上『腕管綜合症』，雙手好痛，醫生話如果打類固醇針唔得，遲啲可能要做手術。我老公支持我去試吓針灸，但費用好貴，佢幾萬蚊幾萬蚊咁幫我出醫藥費，已經係最大嘅禮物同支持喇。」