黎諾懿爆同太太恩愛秘訣 竟然係靠懶!

20210314
東網電視
更多新聞短片
藝人黎諾懿與前港姐李潔瑩結婚7年,育有一子「小春雞」,一家三口生活美滿。他坦言不是浪漫之人,太太亦一直覺得他很悶,笑言:「相識至今9年,感情都冇咩分別,所以我奉勸大家,對住女朋友唔好開行個Turbo做咁多浪漫嘢,唔做咁多就冇事。」李潔瑩直言每個女仔都想有浪漫時刻,但自己其實亦很懶,所以大家都不用做花巧嘢:「我要求低啫,最浪漫就係去旅行。」
雖然黎諾懿在娛樂圈工作引誘較多,但李潔瑩反而覺得所有人都幫她看管老公更為安全。黎諾懿說:「我入行17年,如果為咗一個誘惑犧牲17年嘅努力,我覺得好唔抵,唔值得,有得玩應該係後生時玩,唔係依家先嚟玩。自己收入全奉獻,冇多餘錢就唔會身痕。」
夫妻間冇秘密
他表示以前會備案跟哪位女演員有親熱戲,但現在已辦不到:「唔通無端端講會同邊個錫咩。」李潔瑩亦謂不介意:「佢真係乖,生活好簡單,我都唔會去檢查佢手機,我哋兩個手機密碼一樣,我知道晒佢所有嘢。」他亦向太太大派定心丸:「重點當然係愛你啦!」