石詠莉唔怕老公情史多　接受唔到鄧健泓做呢樣嘢

歌手石詠莉（Sukie）早前與音樂監製Jason一同亮相網上節目，不忙獻唱新歌《100歲備忘錄》，鄧健泓亦有到場陪伴愛妻，但就藏於鏡頭後，不過主持人卻經常將話題扯到鄧健泓身上，爆Sukie早年演出舞台劇《慾望街車》時與鄧健泓鬧大交，之後又扯到對方過往好多個舊愛，Sukie護夫心切，直言：「唔覺佢好多情史，我唔Care，都過去咗，佢同前度做番朋友，我唔會呷醋。」但就絕不能接受老公有小三。

Sukie讚老公初相識時已坦白過去的情史，直言對方吸引她的地方是成熟穩重和不太瘦：「我唔鍾意太靚仔，靚仔通常好多女仔追，鄧生個樣都OK，所以我都成日Keep住問佢：『有冇人追你？』」她並帶了與鄧健泓拍拖時的合照，重提當年拍拖時因不想戀情太早曝光，故外出時，她竟藏身對方座駕的後座位置，將自己變成「貨物」。