楊洛婷孖阿女變《魔雪奇緣》拍廣告：佢好叻

藝人楊洛婷早前與女兒Tanya化身《魔雪奇緣》中的主角Anna與Elsa一齊拍廣告，她指女兒十分喜歡Elsa，所以在對方3歲生日時就搞了一個以《魔雪奇緣》為主題的生日派對，一家三口一齊cosplay﹕「囡囡好想做Elsa公主，我同佢講做公主唔係只係着靚裙同唱歌，公主係好勇敢同獨立，希望佢明白，希望佢大個唔會有公主病。」

她稱整個拍攝過程，囡囡都十分開心，似玩多過似工作﹕「佢喺廣告中要唱歌同要講嘢，其中佢要講『勇敢』呢兩個字，我以為佢唔記得，點知佢竟然記得點講，覺得佢好叻。拍攝前一晚佢仲要求我同佢要着住套公主衫一齊瞓覺。」