肥仔照曝光!麥大力向生命中最重要女人「示愛」

20210315
東網電視
更多新聞短片
《衝上雲霄大選》冠軍麥大力冧女有一手,身邊異性緣勁旺,而且仲「融入家中」,先後到落選港姐黃婉恩同名媛薛芷倫嘅香閨作客,都咪話唔犀利。而尋日白色情人節,佢就公開向生命中重要嘅女人「示愛」!
其實尋日同時係英國嘅母親節,身為孝順仔嘅佢隔空與身在當地嘅媽媽慶祝,佢晒出兩母子合照,見麥媽媽翹實佢手臂貼到實,非常親密。佢以英文留言大讚媽媽係世上最好嘅母親,感激對方一直扶持。佢又晒出童年時一家人合照,相中見佢肥嘟嘟面珠脹卜卜,與現時高大有型一面截然不同,即被網友笑指「肥仔都係潛力股」。