《英雄本色》最經典場口飛鵝山邊度拍？周潤發本尊確認

「我等咗3年，就係想等一個機會，我要爭一口氣，唔係想證明我有幾叻，只係要證明我失去嘅嘢，我一定要攞番嚟。」當年周潤發同狄龍上飛鵝山眺望舊啟德機場吐心聲，周潤發就講咗呢句經典對白。咁到底呢場咁經典嘅場口，正確位置又喺邊度拍呢？相信好多Fans都想知。

網紅Hebe成日周圍去搵經典電影拍攝場地，今次輪到《英雄本色》呢一幕。要有嘅線索唔多，只知片中的士當時停喺電塔附近，Hebe隨之搵到一間「玉皇觀音金剛普救廟」，雖然拍《英》片當時冇呢間廟，但翻查當年航空照同地圖，得知以前廟所在地係一個空地，憑呢啲線索，就搵到當時拍呢場經典戲就係喺呢度。

雖然已有90%肯定拍攝位置，但Hebe竟然喺呢個時候撞到正在跑山嘅發哥，仲得到發哥本尊確認當年呢個場口就係呢度拍，發哥話當時拍嘅時候未有呢間廟，最後仲同Hebe合照呢！

----------------------------------------

最好睇嘅劇集、電影、綜藝盡在繽FUN專題嘅「講劇」，實啱鍾意宅在家嘅你哋，千萬唔好錯過！