何依婷打孖冷衫焗到中暑　胡鴻鈞叫許廷鏗堅持夢想

藝人胡鴻鈞、何依婷、林穎彤、石修在流浮山為無綫新劇《十月初五的月光》拍攝外景。胡鴻鈞被問到有指許廷鏗奪得「叱咤男歌手金獎」後恃紅生嬌，工作態度差兼私下接工作，繼與前公司星夢不歡而散後，再與華納鬧不和遭雪藏。他說：「依家忙緊拍劇，休息時間都唔夠，都係尋晚先聽到，做呢行係有好多是是非非、唔同嘅新聞，最緊要知自己做咩，堅持自己嘅目標。（佢係堅持己見嘅人？）藝人都應該有自己諗法，最緊要大家舒服。（同前公司星夢都係不歡而散？）唔係好了解佢同公司嘅關係，呢啲我都經歷過，最緊要唔好畀新聞影響到，堅持自己嘅夢想。」對於有傳無綫計劃復辦《翡翠歌星賀台慶》他認為是好事，現在開始有半年時間可以練歌。

何依婷上星期拍攝時不慎中暑，她指當日在炎熱天氣下穿了兩件冷衫開工，曬了3、4小時，身體出現脫水情況，原本想堅持拍攝，但導演不批准，最後提早了半日收工去看醫生。她指隨後開工會帶備退熱貼和冰等開工降溫。