Demi Lovato自爆兩度遭強姦

28歲美國女歌手Demi Lovato於紀錄片《Dancing With the Devil》自爆被強姦經歷，2018年7月她於荷里活寓所服用毒販提供的大量毒品，吸毒過量昏迷，其後被緊急送院。當她在醫院醒過來時，醫生問她是否曾經進行自願性行為，她記起被毒販爬到身上性交，於是回答「是」。但當她腦袋更為清醒時，就明白自己是被強姦。

Demi於訪問中表示：「我吸毒過量差唔多1個月後，我先醒覺，自己喺當時個思考狀態根本唔可能做到同意嘅決定。呢種慘劇唔係一晚就克服到。我都想講，我吸毒過量嗰晚就係我最後一次掂毒品嗰晚，但唔係。我想改寫自己被性侵嘅記憶，我想呃自己話其實係我自己決定，佢有嘢係我需要，就係毒品。結果我又再吸毒。」她甚至再致電強姦自己的毒販，告訴對方很想與對方做愛，其後才感到後悔。

除了自爆被毒販強姦之外，她亦自爆15歲時已被強姦而失去處子之身！她說：「我哋被撮合，但我同佢講：『喂，我哋唔可以作進一步。我係處女，而我唔想以咁嘅方式失身。』事後，我自責係自己嘅錯，因為我仍跟佢入房。。。」她表示事發1個月後她致電給那個人企圖解決事情，但只令到她感覺更差勁。結果她就以吸毒來麻醉自己。

現在Demi已經告別毒癮，但仍然會吸大麻與飲酒，她自言如果完全不放縱，就會更加想接觸更危險的毒品。