全程500公里！吳業坤用18日京都行到東京

歌手吳業坤現時身在日本Working Holiday（工作假期），為了留下美好回憶，他早前決定由關西徒步行前往關東，挑戰「東海道53次」。經歷18日的旅程，他今日宣布終於完成此壯舉，行畢全程500公里抵達東京日本橋。他於社交網晒相報喜，其中當他到達終點時，更獲多位在日本的粉絲親自前來迎接，甚至有粉絲專誠獻花，令他大為感動，可見他非常受歡迎。

而完成挑戰後，他即大歎三文治充飢，又表示：「用咗18日行咗500公里由京都行到東京，去到終點嗰刻心情好平靜好滿足好充實好舒暢。本身係準備返香港嘅時候，覺得好似幾個月乜都無做到，不如為自己人生留番一啲記號，就即興決定咗呢個零團費嘅旅途。我抖夠啦我返嚟㗎啦，不過等我留多幾日東京同去埋長崎睇櫻花就返，因為真係走咗唔知幾時先返到嚟日本。」

事後佢接受東網訪問，話衝線一刻好感動，又指最後一日旅程反而係最輕鬆：「冇停低過休息，身體習慣咗咁樣行，好有狀態，仲記得第一日行20km隻腳係痛到行唔到！見到支持我嘅人喺終點等我，個感覺陌生又熟悉，仲收到好禮物，大家等我返香港出新歌啦！」