吳鎮宇變靚女　網民驚嘆：比美女還美女！

吳鎮宇出名好戲，真係扮乜似乜！不過佢扮女人仲有一手，尋日佢喺社交網Post一張扮女人劇照成為網民熱話，「吳鎮宇女裝照」一詞更成熱搜話題！

佢Post嗰張扮女人相一啲違和感都冇，長長負離子直髮雖然同《賭神3之少年賭神》飾演嘅「高傲」有異曲同工之妙，但係就非常女性化，有網民更話：「比美女還美女！」、「硬漢化身女裝也這麼美！」

唔知係咪開始流行扮女人熱，內地男星陳學冬都玩埋一份，佢用手機濾鏡App將自己化成多個造型，除咗鬍鬚Look外，更化身電眼美人，又真係幾靚女喎！