羅志祥復出滑鐵盧　拍片冇人睇僅賺5千港紙

台灣歌手羅志祥（小豬）近期力搞網上「復出」，開設個人影片頻道博翻身，第1條片至今已有逾47萬點擊率，不過去到第2條片就已經跌到得10萬點擊率，成績一直下滑，復出頭炮就已經滑鐵盧，當年嘅「亞洲舞王」成績慘不忍睹…

據台灣傳媒報道，小豬今次頻道點擊率不見起色、逐漸下滑，據悉平台廣告收益僅約647元美元（約5,000元港幣），恐怕遠低於拍攝成本。而據知佢今日將會Upload第4條片。

根據平台規定，頻道必需超過1000人訂閱，並累積4000小時觀看時數，先可以申請廣告分潤，而小豬目前已有5.4萬人訂閱，觀看時數亦達標。然而佢推出3部影片至今，廣告收益僅為約5,00港紙，外界推估恐怕遠遠低於拍攝成本，與以往郁啲就破千萬嘅錄影薪酬相比，真係驚佢會捱唔住呀！