許廷鏗同華納完約有後着！先做牙醫半年後打入台灣市場

歌手許廷鏗最近同唱片公司華納鬧翻，華納前日指與許廷鏗嘅合作關係已告終，許廷鏗團隊之後喺社交網話：「其實重新再嚟過又有咩咁驚？笑一笑，再出發。」甚有弦外之音。

同華納4年賓主關係結束，據知原來佢有後着，一直有做牙醫工作嘅佢有「正職」保底，佢更將會用呢半年過冷河時間沉澱，專心做牙醫工作。而佢因為一向鍾意台灣音樂環境，有意喺半年後打入台灣音樂市場。

其實許廷鏗喜歡台灣樂壇有迹可尋，華納年代已有幾個MV喺當地拍攝，順道喺台灣探路，希望有朝一日喺台灣發展！