《姐姐2》第4次公演！容祖兒有強勁幫唱壯「Sing」威

內地綜藝節目《乘風破浪的姐姐2》入面，各位姐姐鬥到七彩，張栢芝更來一招「苦肉計」，晒自己受傷都要繼續排舞片來搶Fo！天后容祖兒就一直希望靠實力突圍，嚟緊第4次公演，今次仲有「幫唱姐姐」幫手，祖兒拍檔原來係上一季都受到好評嘅阿朵同郁可唯，絕對唔係豬隊友，祖兒一定安心啦！

祖兒為壯「Sing」勢，佢更喺社交網留言，大讚兩位拍檔：「得知四公有幫唱姐姐，而跟我一組的恰好是阿朵和郁可唯時，我好高興！因為剛好是在看第一季時我和媽媽都非常非常喜歡的兩位姐姐，看《緣分一道橋》和《大碗寬面》舞台的時候完完全全被吸引。不論是唱跳還是台風，兩位姐姐都有自己的個人特色，朵姐的民族音樂，可唯的戲劇唱腔，真的是團隊裏閃閃發光的存在。」好多網友都話期待佢哋3位演出，希望到時會有新火花！