湯洛雯自爆要「隔離」！瘦到塊面尖晒

馬國明之前為拍無綫新劇《白色強人II》要到深圳酒店隔離，雖然佢已經同劇組人員出關，但因為人在深圳，真係苦了女友湯洛雯（靚湯），不過身在香港嘅靚湯都話自己要「隔離」，唔係有咩事嘛？

馬國明可以放心，原來靚湯因為開新劇要收身，佢喺社交網話感覺就似隔離：「最近都努力在收身為下一套劇做準備，幾乎好像21日隔離，不過還好因為我喜歡待在家裏！」大家都知靚湯一直中「不瘦降」，但見新相面尖尖，真係瘦咗好多，網民仲叫佢Post埋下身畀大睇佢嘅成果添呀！