年尾做番《流行經典》 曾志偉對曾國祥爭奧斯卡冇信心

20210319
東網電視
更多新聞短片
曾志偉否認馬浚偉出任TVB高層。
無綫《聲夢傳奇》早前被叫停,更有傳腰斬,現在以真人騷選秀節目「復活」,15位參賽者與無綫副總經理曾志偉、星夢娛樂行政總裁何麗全等在將軍澳電視城出席記者會,節目將於4月10日播出。
節目會由25位唱片公司高層擔任評判,及進行淘汰賽。何麗全透露節目會有驚喜的導師與嘉賓,他說:「節目畀唱片公司親自揀蟀,有潛質可以放手畀佢哋做,星夢就擔任經理人角色。」
曾志偉早前上任後即叫停《聲》,受訪時被問到煞停節目,可有想過停辦?他說:「冇諗過唔做,知道班小朋友好有潛質,冇理由嘥咗佢哋,只係諗點做得更好。停咗嗰日啫,之後開番啦,只係想做到多啲人參與,評判、藝人、歌手、下次記者會會再交代。」
對於擔任首席創意官的王祖藍今日正式上任,問到委派了甚麼重任給他?他笑說:「影相、做證先啦,唔係點入嚟啊,交晒畀佢,我就甩難。其實佢會負責幾個項目,4月會有記者會再公布。」對於有傳馬浚偉由他穿針引線加入無綫擔任高層,他則否認說:「冇咁嘅事,呢排好多新聞我自己都未聽過。」
講到《勁歌金曲》踢走《流行經典50年》,他則說:「唔係踢走,係畀啲時間佢回氣,年尾會再做番。節目做咗160幾集,係多人睇,畀佢抖抖,亦希望《勁歌》有新面貌畀人睇。」
《第93屆奧斯卡金像獎》日前公布提名名單,當中導演曾國祥執導的《少年的你》代表香港入圍「最佳國際電影」獎項最後5強。曾志偉稱知道兒子電影殺入5強,家人覺得震撼又開心,他說:「我都有打畀個仔,佢話『老竇,犀唔犀利?光宗耀祖喇!』,我就話『我都唔夠光宗耀祖?你仲光宗耀祖過我?」不過,他坦言對兒子攞獎冇信心,他說:「另外4部提名電影係強中之強,入到最後5強已經當攞咗。」
他又稱兒子曾國祥因疫情可能錯通到美國出席奧斯卡頒獎禮,取笑他得獎與否,也是一個幸運與不幸運的導演,他說:「上年金像獎攞最佳導演頒唔到畀佢,今年又可能未必去得成,但點都開心,能夠入到最後五強,都係一件大事,亞洲電影係比較少,今次嚟講都算係為香港增光。」他又稱女兒曾寶儀最興奮,由台灣打電話來時尖叫。