《聲夢傳奇》潘靜文張馳豪年紀大有着數？

《聲夢傳奇》參賽者潘靜文（Sherman）及張馳豪（Aska）出席記者會，2人分別是23歲及26歲，是男女參賽者中年紀最大，Sherman笑言：「慣咗。（同其他參賽者會唔會格格不入？）唔會，我哋調皮啲，都融入到。」問到可覺年紀大較着數？Aska笑言：「都可能㗎，我哋經歷嘅嘢多啲，易啲代入故事，畀人傷得多，所以全部都係唱情歌。」Sherman亦謂：「我哋歷練多啲，感受會多啲。」

講到節目會邀明星導師、評判及嘉賓，Sherman表示想見林家謙，大讚對方有才華，Aska就謂想見陳奕迅及張敬軒。講到節目是淘汰形式，問到可大壓力？Sherman表示一定會，但會努力做到最好，Aska亦謂不想留有遺憾：「唔好諗住會畀人Foul先，最緊要準備好自己。」