與李毓芬分手3年　柯震東罕見吐6字真言勁自責

台灣男星柯震東與索爆女星李毓芬3年前被爆分手，雖然屢傳復合但未見2人再次碰頭，更絕口不提對方個名，不過佢哋感情世界仍被大眾關注。近日柯震東於社交網大玩「你問我答」，當中就被網友先後問到關於佢同李毓芬、蕭亞軒嘅事，佢亦罕有正面回應，為2段逝去嘅感情發聲。

其中有網友問到佢「跟阿芬還是朋友嗎？」，佢難得鬆口回應：「是我還不夠好～～。」似乎2人再見不是朋友，不過當網友自言同李毓芬似樣時，佢就直接回應：「沒圖沒真相。」態度大方。

而有網友問到關於佢同蕭亞軒嘅事：「跟軒怎麼認識的？」，柯震東則態度180度轉變反問：「你說哪個軒？」但當有人指佢粉絲數已經跌咗1萬時，佢又淡定表示：「沒事！沒掉光就該感謝了。」