偷食事件首復工　朱智賢唔提黎振燁：要認清目標

藝人朱智賢因「偷食事件」暫別幕前接近1年，今日終於被安排「復出」，為有份參演劇集《愛美麗狂想曲》宣傳，直言感激公司安排。她全程表現略帶緊張，更有經理人傍實，但反觀同樣涉偷食事件亦有份演出的黎振燁卻被消失，未有機會復工出席劇集的宣傳活動，可謂同人唔同命。

經一事長一智

當問到刻下心情，她說：「OK嘅。（尋晚瞓唔瞓得着？）瞓到，好多謝公司安排我為自己嘅劇集宣傳。（意味復出？）要等安排，總之相信公司嘅安排係最好嘅。（你自己呢？）當然想快啲有工作，但唔係我話事，我自己就Ready接受任何工作，而且會盡力做好佢。」她又坦言經一事長一智：「依家最緊要認清目標，專注事業，話畀大家聽我係專業嘅演員。（感激男友謝東閔？）我哋不嬲互相扶持。（係咪打風打唔甩？）我哋私底下有共識，總之事業為重。」

當問到是否未有與黎振燁聯絡，她避重就輕回道：「做人要向前望，過往嘅唔會再提。（《愛》劇黎振燁都有份演喎，驚唔驚網民又攞嚟講？如果掀罵戰你又駁嘴？）總之努力工作，都話經一事長一智囉。」她再次強調會做好自己，亦感激有份畀機會自己的所有人。