【畢生難忘】郭晉安自揭曾被撬牆腳　靠工作麻醉自己

劇集《失憶24小時》今晚（20日）大結局，視帝郭晉安同第一次合作嘅譚俊彥產生唔少火花，而劇入面安仔對「前妻」譚凱琪不離不棄，仲抱起對方跑足9條街睇醫生，可惜對方就鍾意咗第2個。而問到安仔有冇呢方面嘅「深刻記憶」，佢就自爆曾經被撬牆腳，靠工作麻醉自己，即刻去片聽吓佢點講啦！

藝人羅子溢同李彩華（Rain）喺新劇飾演一對，不過私底下愛情觀就完全唔同。子溢重視另一半嘅感受，甘願做「小男人」，反觀離婚嘅Rain則自認係「大女人」，快啲睇片，等佢哋自己同你娓娓道來啦！

內地綜藝節目《乘風破浪的姐姐2》上一集楊丞琳踢館成功，但節目就淘汰咗4位姐姐，當中包括佢嘅好朋友陳妍希，令楊丞琳一度淚崩。收拾好心情嘅楊丞琳繼續錄影，仲做埋隊長，最新一集入面，佢就意外爆出陳妍希離開節目之後嘅行蹤，間接解答咗陳妍希同老公陳曉婚姻觸礁嘅傳聞。想知答案就要睇今集《繽FUN主播室》啦！