余文樂早產女兒健康成長　網民讚好靚女

藝人余文樂上年底再做老竇，太太王棠云為佢誕下細女余初心，但由於B女提早咗出世，出世時體重得1Kg，一度進入危險期，幸好B女最後度過難關，依家佢哋一家四口定居台灣，喺當地享受生活。

王棠云喺社交網晒咗一對仔女，喺佢身邊瞓覺嘅自拍，留言：「最幸福的時刻就是兒子乖乖的，睡在旁邊不搗蛋，讓我可以好好的抱妹妹，享受這個2寶世界，通常哥哥起來的狀態就不是這樣了，他很愛妹妹，太愛了，一直想戳她的臉，不然就是鬧情緒吃醋，但是不管怎樣，2個都是我的寶貝啦！」網民睇到余初心依家身體健康，肥肥白白，都感到好開心，仲讚B女五官好靚添！