囡囡啡色曲髮搶Fo　謝安琪：絕對純天然！

歌手謝安琪（Kay）日前疑墮入金錢詐騙案，不過佢似乎未有受事情影響，呢日佢喺社交網上載同囡囡張靖嘅相，睇到囡囡一頭啡啡哋嘅曲髮搶晒鏡，非常可愛，佢解釋囡囡天生啲頭髮就係咁，絕對係純天然，令唔少網友好羨慕！

佢留言話同囡囡展開睿智對談，教對方人生道理：「我：遇到困難嘅時候，最緊要集中精神做好自己，你：係咪即係咁樣（唔知點解要用手指掹住自己眉心），我：唔……大約係咁囉，你：Ok， that’s very easy，然後，你拎番轉面，繼續睇電視，睇番你嘅哈爾，其實，咁係代表，你明白晒咩叫集中，定係你當我發噏風，都唔緊要。因為，你知道嗎，好多個看似平淡嘅日子，當中我最鍾意嘅環節，就係食早餐嘅時候同你咁樣傾偈。」