羅天宇豪晒胸肌人魚線　為靚身形戒飲水24小時

藝人羅天宇近日忙於拍攝劇集《十月初五的月光》，飾演「司徒禮信」嘅佢，經常喺社交網上載拍攝幕後點滴。今日佢喺社交網上載一張半裸爆肌相，見佢大騷結實嘅胸肌同埋「人魚線」，令網友睇到嘩嘩聲，指引人遐想！

佢接受東網訪問時，指劇情講到佢同「初哥哥」胡鴻鈞去做嘢，點知搞到成身污糟晒，去咗「初哥哥」屋企沖涼，所以拍攝完就影咗呢張騷肌相，他說：「3個月前接到劇本，就開始控制飲食，抽時間去健身，始終開咗劇時間比較密集啲，但當時健身室未開，自己都有抽時間喺屋企做運動，買咗啲啞鈴。最難忘喺最尾個星期要去水，頭2日飲好多水，之後就慢慢減低飲水分量，去到拍攝嗰陣我已經24小時冇飲過水，我覺得係最辛苦，但都係為咗出嚟線條靚啲。」