戴祖儀陳曉華去慈山寺淨化心靈　低炒個個變1米8

藝人戴祖儀、前港姐冠軍陳曉華（Hera）同埋《全民造星III》參賽者劉若寶，趁開工前去咗慈山寺淨化心靈，佢大讚嗰度風景靚到好似畫咁，去完之後能量滿滿，仲分享感悟金句：「笑着面對，不去埋怨。悠然，隨心，隨性，隨緣。」但因為當日太好天，佢自爆去完之後曬黑咗，無奈苦笑：「化妝師表示......唔連戲了。」

而之前飽受緋聞纏身嘅Hera亦分享：「能量好強嘅地方！每次嚟到都感覺放低咗好多好重嘅嘢，洗走咗好多負能量！」網友大讚3人靚女兼有長腿，又謂就咁睇相以為佢哋有1米8，大讚佢哋淡妝都靚！