梁安琪疫下開首個實體演唱會:蝕住做!

2021年03月21日 20:12
東網電視
更多新聞短片
DJ梁安琪為今晚舉行的演唱會進行綵排,稱今次是她首個個人演唱會,在疫情下能成功進行,心情激動:「今次係實體騷可以同觀眾面對面溝通,之前線上冇觀眾,但又要扮到好開心咁都幾自欺欺人。」她指雖然只開一場,但過程相當困難,可謂過五關斬六將:「之前疫情反覆,一直唔知開唔開到,我本住堅持嘅信念。座位規定只能坐一半,我都唔敢訂太大嘅場地,怕臨時開唔到。我哋所有表演者都要做檢測,又要寫承諾書,唔戴口罩唱歌又要向當局作書面申請。」她又特別聘請音響公司及重新添置樂器:「我賣晒啲飛都唔夠錢畀音響,開演唱會唔係想賺錢,真係蝕住做,因為愛係要付出。」