嫌英文名唔吉利　蘇慧恩改名「03」食字容易記

歌手蘇慧恩放棄沿用多時的英文名Ophelia，上月決定改名「03」貪容易記，她解釋：「一來英文名難讀，二來係莎士比亞悲慘女主角嘅名，佢最後係溺斃，朋友話唔太吉利，會成日唔開心，覺得『3』字對我人生會開心啲，我都聽佢講。」

「03」早前到西貢咖啡店出席慈善寵物字畫義賣活動，帶同愛貓「白雪雪」一同參與，她說：「之前一直想幫自己嘅小貓咪畫一幅畫，剛好今次活動裏面遇到本地字畫藝術師，佢用咗幾分鐘就畫咗幅咖啡字畫，仲要畫到同白雪雪一模一樣，真係好犀利！同埋今次活動好有意義，因為我一向都好留意棄養寵物呢個問題，唔明點解有啲主人會因為一啲原因就棄養，其實係一個好不負責任嘅行為，希望大家養寵物前一定要三思而後行。」