戴祖儀生日變海格　曾樂彤幫手招親

藝人戴祖儀26歲生日，好友曾樂彤上載2人合照，留言送上祝福兼為對方「招親」：「Forever 18，再大鑼大鼓地宣傳，歡迎單身男性勇敢追求，又靚又正又能幹又可以養埋你，無敵筍盤戴祖儀。」戴祖儀搞笑回覆：「我飯都噴埋出嚟，喂呀呀呀呀呀。」

戴祖儀亦在社交網晒出變身《哈利波特》海格的照片，非常搞笑，她留言：「2021-3-22，大家嘅祝福我都收到了，謝謝你們帶給我的感動，20多歲了～要繼續努力為你們帶來更多動力與快樂。」