菊梓喬跳絲帶舞　緊張唔識笑

「星夢一姐」菊梓喬（Hana）為劇集《愛美麗狂想曲》主題曲《愛很美麗》拍攝MV，她今次為新歌MV上山下海，一早到石澳攀山落石灘取景，因導演希望有浩瀚澎湃的感覺，她表示：「去石灘條路有啲難行，自己又着住條裙，唔係太方便，不過到達現場見到個大環境，就覺得一切都好值得，天氣好好加埋啲海浪，成個感覺好靚。」

其中MV入面有段絲帶舞的表演，她一直很喜歡絲帶舞的美態，本來希望在之前的演唱會上表演，亦覺得很適合今次MV，故跟導演商量後，就構思了今次的拍攝，她謂：「確定咗要拍攝之後，我就努力再去補堂，未試過喺其他人面前跳，其實都幾緊張，多謝老師特別到現場教導，今次未係最理想，不過可以靠鏡頭遷就，最重要係放鬆有笑容，跳出美麗夢幻嘅感覺，好好玩，自己都好開心，最緊要大家鍾意。」