關禮傑19歲細女恨到韓國做女團　穿環染髮有個性

藝人關禮傑與太太梁安娜兩個女兒都擁有高顏值，除大女關楓馨鋪路進軍娛圈專攻演戲，原來19歲細女關楓盈（Franziska）亦有意入行，更夢想到韓國發展做練習生出道做女團。與文靜、行淑女路線嘅家姐不同，Franziska熱愛K-Pop及日本動漫文化，而且打扮相當型格，經常換上金、粉紅、紫等各種髮色，身上亦有多個紋身，並穿上耳骨環、鼻環、唇環及眉環等，充滿個性。

有指關禮傑喺金錢及精神上都非常支持愛女，而Franziska亦積極Keep弗，努力裝備自己。