菊梓喬自爆有好多男友　被誤已為人母！

歌手菊梓喬（Hana）對感情事向來低調，但呢日佢突然自爆有好多男朋友，更「驚傳」佢已為人母！事緣佢去到街市買餸，當去到菜檔買南瓜時，檔主竟誤會佢係媽媽級，直指：「買嚟煲粥？大舊啲畀BB食好呀！」令佢即刻勁尷尬。之後佢去到魚檔，再被檔主誤會身旁同行嘅導演係其男朋友，佢隨即笑指：「係㗎，我好多男朋友㗎！」對方則大讚：「梗係啦，你咁靚女。」氹得佢勁開心。