升呢英文歌女神　譚嘉儀甜到心動

歌手譚嘉儀早前為新劇《愛美麗狂想曲》的片尾曲《Falling In Love》拍攝 MV，嘉儀再次和《Can You See》及《Can You Hear》的創作班底合作，打造了這首全新的英文浪漫情歌，演繹出女生墮入愛河時的一份甜蜜。

被封做「英文歌女神」的她已經第4次主唱劇集的英文歌曲，每次的成績都好好，簡直是信心的保證，她說：「多謝監製、導演一需要搵人唱英文歌就諗起我，最緊要出嚟嘅效果大家滿意，自己真係好鍾意唱歌，有機會唱歌就開心。」

雖然是一首甜到漏的情歌，今次拍攝MV反而要演獨腳戲，她笑說：「導演拍攝時不停咁叫我『冧啲冧啲嘅傻笑』，佢話戀愛時一切都係美好嘅，自己一個人喺屋企，無論做緊乜都會諗起情人，都會有種心甜嘅感覺，想個MV令人feel到嗰份心動。」