王菲最怕睇恐怖片　為孔劉獻第一次

前港姐王菲最近完成重頭劇《白色強人II》拍攝，隨即忙於為節目宣傳。性格男仔頭，個性爽朗，但原來卻相當細膽，最怕睇驚慄、喪屍片的她說：「細個電視播恐怖片，自己會匿入被裏面，等畫面過咗先會再睇。入戲院睇都係睇搞笑、輕鬆片，有次畀朋友拉咗去睇驚慄片，全程捉住朋友隻手，又用手遮住對眼，成套戲都冇完整睇晒，自己實在太驚、太細膽喇。」

不過，近年王菲對睇喪屍片有一大突破，就是成功看完韓星孔劉主演的電影《屍殺列車》，她說：「呢套係第1套睇晒嘅喪屍片，可能電影係講親情，情節好感人，所以唔係好驚，好鍾意呢套電影。」